Qış qəbulu proqramları

Macarıstanın əksər ali məktəblərində birbaşa qış semestrindən (yanvar və ya fevral ayından) təhsilə başlamaq mümkündür.

1. International Business School

International Business School Budapest (Macarıstan) The University of Buckingham (Böyük Britaniya) ilə birgə Budapeşt və Vyana şəhərlərində bakalavr və magistratura pillələri üzrə ali təhsil verir, bundan əlavə dil kursları və yay məktəbləri də təşkil edir. Bu özəl universitet 1991-ci ildə yaradılıb və qısa zamanda ölkənin nüfuzlu universitetləri siyahısına daxil olub. Ali məktəb təkcə Macarıstan və Böyük Britaniyada deyil, Avropa Birliyi və ABŞ-da da akkreditasiyadan keçib. Təhsili bitirdikdə məzunlara Böyük Britaniyanın reytinqində 16-cı yerdə olan University of Buckingham-ın diplomu verilir. Bu ali məktəb barədə geniş məlumatı ayrıca saytda yerləşdirmişik: www.ibs-budapest.com

Bu ali məktəb “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nda yer alıb.

Yaranma ili: 1991
Yerləşdiyi şəhərlər: Budapeşt (Macarıstan), Vyana (Avstriya)
Mənsubiyyəti: özəl
Fotoları: Facebook səhifəmizdə

İngilis dilində tədris olunan proqramlar

Avropa Birliyindən olmayan ölkələrin, o cümlədən Azərbaycan Respublikasının vətəndaşları viza və miqrasiya sənədlərinin hazırlanması üçün 900 avro qeydiyyat haqqını ilk ilin təhsil haqqısı ilə birlikdə ödəməlidirlər. Bu qeydiyyat haqqı bütün təhsil müddəti ərzində yalnız 1 dəfə viza prosesinə müraciət etmək üçün ali məktəbin bank hesabına ödənir.

2. University of Debrecen

University of Debrecen (macarca “Debreceni Egyetem”) Macarıstanın ikinci ən böyük şəhəri olan Debreçendə yerləşir və ölkənin ən böyük və qədim universitetlərindən biridir. Debreçen Universiteti (University of Debrecen) 30 000-dən çox tələbəni və 14 fakültəni 6 kampusda birləşdirən Macarıstanın ən böyük ali məktəblərindən biridir. Bu ali məktəbdə beynəlxalq proqramlar 1987-ci ildə tədris olunmağa başlayıb və əcnəbi tələbələrə dəyərli və beynəlxalq səviyyədə tanınan diplom almaq imkanı verir. Hazırda dünyanın əksər regionlarından bu ali məktəbdə təhsil almağa gəlmiş əcnəbi tələbələrin sayı 3 700 ətrafındadır. Tibbdən tutmuş mühəndisliyə və musiqiyə qədər çoxsəpkili tədris proqramları ilə bu ali məktəb Macarıstanda müxtəlif dərəcələr (bakalavr, magistratura, doktorantura) üzrə ən geniş seçimi təklif edir. 40 proqram, o cümlədən Tibb, Stomatologiya, Əczaçılıq, müxtəlif xarakterli mühəndislik, biznes, menecment, kənd təsərrüfatı və informasiya texnologiyaları proqramları tamamilə ingilis dilində tədris olunur.

Universitet barədə daha ətraflı məlumat almaq üçün ali məktəbin qeyri-tibb ixtisasları üzrə proqram direktoru Laslo Kozmanın müsahibəsini oxuya bilərsiniz.

Bu ali məktəb “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nda yer alıb.

Yaranma ili: 1538
Yerləşdiyi şəhər: Debreçen (Debrecen)
Mənsubiyyəti: dövlət

Bütün tələbələrin sayı: 30 000

Fotoları: Facebook səhifəmizdə

İngilis dilində tədris olunan proqramlar

Bu ali məktəbə sənəd verənlər yuxarıdakı təhsil haqqı ilə bərabər ali məktəbin bank hesabına 150 dollar ərizə formasına baxılması üçün ödəniş (application fee) və 350 dollar qəbul imtahanı rüsumu (entrance examination fee) ödəməlidirlər. Bizim vasitəmizlə sənəd verənlərdən bu ödənişlər əvvəlcədən deyil, sonradan alınır.

3. BKF

BKF (macarca “Budapesti Kommunikációs és Üzleti Főiskola”, ingiliscə “BKF University of Applied Sciences, Budapest”) Macarıstanın ən böyük özəl ali məktəbidir.

Yaranma ili: 2000

Kampusları: Budapeşt və Hódmezővásárhely

Bütün tələbələrinin sayı: 8000

Fotoları: Facebook səhifəmizdə

İngilis dilində tədris olunan proqramlar

4. Corvinus University

Corvinus University of Budapest (macarca “Budapesti Corvinus Egyetem”) Macarıstanın ən prestijli universitetlərindən biridir, xüsusən maliyyə, iqtisadiyyat və idarəetmə sahəsində yüksək səviyyəli təhsil verir.

Bu ali məktəb “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nda yer alıb.

Yaranma ili: 1920

Yerləşdiyi şəhər: Budapeşt

Mənsubiyyəti: dövlət

Bütün tələbələrin sayı: 15000

Fotoları: Facebook səhifəmizdə

Departamentləri: 1. Business Administration; 2. Economics; 3. Social Sciences; 4. Food Science; 5. Horticultural Science; 6. Landscape Architecture

İngilis dilində tədris olunan proqramlar

5. University of Pécs

University of  Pécs (macarca “Pécsi Tudományegyetem“) Macarıstanın Peç (macarca “Pécs“) şəhərində yerləşir və ölkənin ən qədim universitetidir.

Yaranma ili: 1367
Yerləşdiyi şəhər: Peç (Pécs)
Mənsubiyyəti: dövlət
Bütün tələbələrin sayı: 26000
Fotoları: Facebook səhifəmizdə

İngilis dilində tədris olunan proqramlar

Alman dilində tədris olunan proqramlar

6. Duna College

Duna College xarici tələbələrin Macarıstanın və Slovakiyanın ali məktəblərinə daxil olması üçün özəl hazırlıq kursudur və Budapeşt şəhərində yerləşir. Bu təhsil müəssisəsi yalnız qeyri-dərəcə hazırlıq (foundation) proqramları təklif edir.

Yaranma ili: 2010
Yerləşdiyi şəhər: Budapeşt
Mənsubiyyəti: özəl
Fotoları: Facebook səhifəmizdə

İngilis dilində tədris olunan proqramlar

Application fee: 200 avro. Bizim vasitəmizlə sənəd verənlərdən bu ödəniş əvvəlcədən deyil, sonradan alınır.

7. SZIU

Szent István University (macarca “Szent István Egyetem“) Macarıstanın ən böyük kənd təsərrüfatı universitetidir.

Bu ali məktəb “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nda yer alıb.

Universitetin yaranma ili: 1987

Yerləşdiyi şəhərlər (kampusları): Gödöllő, Budapest, Jászberény, Békéscsaba, Szarvas və Gyula

Mənsubiyyəti: dövlət universiteti

Bütün tələbə sayı: təxminən 16 min

Fotoları: Facebook səhifəmizdə

İngilis dilində tədris olunan proqramlar